سپر ہائی وے پر جھاڑیوں سے ایک شخص کی لاش برآمد
کراچی(مانیٹرنگ ڈیسک)سپر ہائی وے پر نجی ریسٹورنٹ کے قریب اتوار کی صبح جھاڑیوں سے ایک شخص کی لاش ملی جسے فائرنگ کرکے قتل کیا گیا تھا۔
اطلاع ملنے پرپولیس موقع پرپہنچ گئی اورلاش کو تحویل میں لینے کے بعد قانونی کارروائی کیلئے عباسی شہید اسپتال منتقل کردیا۔سائٹ سپرہائی وے صنعتی ایریا تھانے کے ڈیوٹی آفیسر سکندر کے مطابق مقتول کی عمر 30 سال کے قریب ہے ، مقتول کے پاس سے ایسی کوئی چیز برآمد نہیں ہوئی جس کی مدد سے اس کی شناخت ممکن ہوسکے ۔انہوں نے بتایا کہ پولیس مقتول کی تلاش ڈیوائس کی مدد سے شناخت کرنے کی کوشش کررہی ہے تاہم پولیس نے جائے وقوعہ سے واقعاتی شواہد کی روشنی میں واقعے کی تفتیش شروع کردی ہے ۔
روزنامہ دنیا ایپ انسٹال کریں
