اہم سڑکوں پر بغیر ہیلمٹ موٹرسائیکل سواروں کا داخلہ بند
لاہور (کرائم رپورٹر) بغیر ہیلمٹ موٹرسائیکل سواروں کا لاہور کی اہم شاہراہوں پر داخلہ بند کر دیا گیا۔
تفصیل کے مطابق سی ٹی او کی جانب سے احکامات جاری کئے گئے ہیں کہ گزشتہ روزسے مال روڈ، کینال روڈ، جیل روڈ، فیروزپور روڈ، گلبرگ سمیت اہم شاہراہوں پر بغیر ہیلمٹ موٹر سائیکل سواروں کا داخلہ بند کر دیا گیا ہے اور ایسے شہریوں کی موٹرسائیکلوں کو بھی بند کر دیا جائیگا۔ ترجمان کے مطابق بغیر ہیلمٹ موٹرسائیکل سواروں کو کسی بھی اہم و مصروف شاہراہ پر نہیں آنے دیا جائے گا، مسلسل خلاف ورزی کرنے والوں کے خلاف غفلت و لاپرواہی کی دفعات کے تحت مقدمات کا بھی حکم دیا گیا ہے ،کوئی بھی سرکاری و نیم سرکاری ادارے کا اہلکار پابندی سے مستثنیٰ نہیں۔ شاہدرہ،جی ٹی روڈ، برکی روڈ، بیدیاں روڈ، رائے ونڈ روڈ، روہی نالہ فیروز پور روڈ ،ملتان روڈ، علامہ اقبال روڈ، خیابان جناح روڈ، پیکو روڈ سمیت دور دراز کے علاقوں میں بھی ناکہ بندی ہوگی۔
