کرپشن کرنے پر لیسکو کے 2 اہلکار نوکری سے برخاست
لاہور (اپنے کامرس رپورٹر سے) لیسکو کے 2 اہلکاروں کو کرپشن کرنے کے جرم میں نوکری سے برطرف کر دیا گیا۔
لیسکو کی ضرار شہید روڈ سب ڈویژن میں محمد اصغر میٹر سپر وائزر گریڈII-،عبدالکبیر لائن سپرنٹنڈنٹ گریڈII- تاجپورہ سب ڈویژن کرپشن میں ملوث پائے گئے ۔ان اہلکاروں پر پرکرپشن کے الزامات ثابت ہونے پر ایکسین کینٹ ریحان فضل نے محکمانہ کارروائی کرتے ہوئے نوکری سے برطرف کر دیا۔چیف ایگزیکٹو انجینئر شاہد حیدر کی ہدایت کے مطابق کرپشن/ بجلی چوری میں ملوث صارفین اور اہلکار میں فرق کئے بغیر سزائیں دی جا رہی ہیں۔ شاہد حیدر کا کہنا ہے کہ بجلی چور ملک و قوم کا دشمن ہیں،ہم لیسکو ریجن سے کرپشن/ بجلی چوری کے خاتمہ کے لئے پر عزم ہیں۔
روزنامہ دنیا ایپ انسٹال کریں
