مختلف علاقوں سے نومولود سمیت 6 افراد کی لاشیں برآمد
لاہور(کرائم رپورٹر)شہر سے 6افراد کی لاشیں ملیں ۔نشتر کالونی سے 50 سالہ شخص کی لاش گاڑی سے ملی، جس کی شناخت جاوید اسلم کے نام سے ہوئی۔
فیکٹری ایریا میں نومولود بچے کی لاش برآمد ہوئی جبکہ شادمان کے علاقے سے 45 سالہ شخص بے ہوشی کی حالت میں ملا، جو دوران علاج دم توڑ گیا۔ کوٹ لکھپت کے فٹ پاتھ سے 40 سالہ نامعلوم شخص کی لاش بھی برآمد ہوئی اور مون مارکیٹ کے قریب 50 سالہ نامعلوم شخص مردہ حالت میں پایا گیا۔داتا دربار کے گیٹ نمبر 5 کے لنگر خانے سے 65 سالہ بزرگ شہری کی لاش بھی ملی۔ پولیس ترجمان کے مطابق ہلاک ہونے والے 4 افراد کی شناخت نہیں ہو سکی ہے اور ان کی لاشوں کو مردہ خانے منتقل کر دیا گیا ہے۔
روزنامہ دنیا ایپ انسٹال کریں
