کرپشن میں ڈوبا ہوا شخص مذہب کارڈ کھیل رہا : عظمیٰ بخاری
لاہور(سٹاف رپورٹر)وزیر اطلاعات پنجاب عظمٰی بخاری نے کہا ہے کہ سر سے پاؤں تک کرپشن میں ڈوبا ہوا شخص مذہب کارڈ کھیل رہا ہے۔
پوری دنیا کا میڈیا بشمول امریکا، یورپ اور بھارت بانی پی ٹی آئی کو کرپٹ میاں بیوی کے القابات سے نواز رہا ہے۔ بیرسٹر سیف کے بیان پر ردعمل دیتے ہوئے انکا کہنا تھا کہ عدالت نے اپنے تفصیلی فیصلے میں بانی کو بددیانت اور کرپٹ پریکٹسز کا مرتکب قرار دیا ہے۔ ملک کا وزیراعظم ہو کر کسی بھی ادارے کا ٹرسٹی ہونا سنگین جرم ہے۔ بانی کے چیلے اور چمچوں کو اب بھی اپنے آقا کی کرپشن نظر نہیں آرہی۔ بنی گالہ کے درباری ظل تباہی کی کرپشن پر پردے ڈال کر اپنی نوکریاں بچا رہے ہیں۔ خاتون اول ہو کر 28 کروڑ کے کک بیکس اور پانچ قیراط ہیرے کی انگوٹھیاں وصول کرنا کہاں کی پیری مریدی ہے ؟اپنی چوریاں اور کرپشن مذہب کی آڑ میں نہیں چھپائی جا سکتیں۔ عوام اڈیالہ جیل کے قیدی اور اسکی اہلیہ کے کرپشن کے قصوں کی حقیقت جان چکے ہیں۔
