بی ڈی ایس فرسٹ پروفیشنل امتحانات 2024 کے نتائج کا اعلان
لاہور(اپنے سٹاف رپورٹر سے )یونیورسٹی آف ہیلتھ سائنسز نے بی ڈی ایس فرسٹ پروفیشنل امتحانات 2024 کے نتائج کا اعلان کر دیا ، 54.71 فیصد پاس، پہلی تینوں پوزیشنز طالبات کے نام رہیں ۔
16 ڈینٹل کالجوں کے 996 طلبہ و طالبات نے امتحان میں شرکت کی، جن میں سے 540 کامیاب قرار پائے ، جبکہ 447 امیدوار ناکام ہو گئے ۔ مجموعی کامیابی کا تناسب 54.71 فیصد رہا۔ نیازی میڈیکل اینڈ ڈینٹل کالج سرگودھا کی فاطمہ نوید نے 700 میں سے 621 نمبر لے کر پہلی پوزیشن حاصل کی، جبکہ ایف ایم ایچ کالج آف میڈیسن اینڈ ڈینٹسٹری لاہور کی آمنہ اعجاز 620 نمبر کے ساتھ دوسری اور اسی کالج کی عریضہ علی 596 نمبر حاصل کر کے تیسری پوزیشن پر رہیں۔
روزنامہ دنیا ایپ انسٹال کریں
