10ایس ایچ او ز میں انعامات ،تعریفی سرٹیفکیٹس تقسیم
دوکوٹہ (نامہ نگار)ڈی پی او وہاڑی منصور امان کی جانب سے ضلع وہاڑی میں کارکردگی کے لحاظ سے ٹاپ 10 ایس ایچ اوز میں انعام اور سرٹیفکیٹس تقسیم۔
تفصیل کے مطابق ڈی پی او وہاڑی منصور امان نے گزشتہ ماہ کے دوران بہترین کاکردگی دکھانے والے ٹاپ 10 ایس ایچ اوز کو نقد انعام اور تعریفی اسناد سے نوازا ڈی پی او منصور امان نے تھانہ دانیوال میں منعقد تقریب کے دوران بہترین کارکردگی دکھانے اور جرائم پیشہ افراد کے گرد گھیرا تنگ کرنے پر ضلع وہاڑی کے ٹاپ 10 ایس ایچ اوز کو نقد انعامات اور تعریفی اسناد دیں۔ انعام حاصل کرنے والے افسروں میں ایس ایچ او لڈن راشد ندیم جٹ، ایس ایچ او گگو حسن آفتاب کیانی، ایس ایچ او تھانہ صدر میلسی خالد محمود گورایہ، ایس ایچ او تھانہ سٹی میلسی عدنان جمیل ٹیپو، ایس ایچ او تھانہ سٹی بوریوالا مہر قیصر منظور، ایس ایچ او ساہوکا رئوف گجر، ایس ایچ او تھانہ مترو اشرف ظہور، ایس ایچ او تھانہ ماچھیوال فیضان علی، ایس ایچ او تھانہ سٹی وہاڑی حماد حسن بودلہ اور ایس ایچ او تھانہ دانیوال مظہر فرید گوندل جبکہ ریڈر ڈی پی او رائے فرحت نذیر اور ان کی ٹیم کانسٹیبل عاطف سلیمی اور کانسٹیبل ندیم شامل ہیں ڈی پی او وہاڑی منصور امان کا کہنا تھا کہ ایس ایچ اوز کو جرائم پیشہ افراد کے خلاف کریک ڈاؤن جاری رکھنے کی ہدایت دیں ۔
