ایپکا وہاڑی کے نو منتخب ضلعی عہدیداران کی حلف برداری
وہاڑی (نمائندہ خصوصی،خبرنگار)وہاڑی میں آل پاکستان کلرکس ایسوسی ایشن ایپکا کے نو منتخب ضلعی عہدیداران کی تقریب حلف برداری ، سابق صوبائی وزیر زراعت نعیم اختر خان بھابھہ، سی ای او ایجو کیشن چوہدری ظفر اقبال وٹو، مرکزی صدر ایپکا چوہدری خالد جاوید سنگھیڑا، صوبائی سینئر نائب صدر امان اللہ خان منیس سمیت تمام محکموں کے افسران اور ملازمین کی کثیر تعداد شریک ہوئی ۔
ایم پی اے نعیم خان بھابھہ نے صدر طیب بھٹی، جنرل سیکرٹری ملک شہباز ریاض کھوکھر سمیت 36 عہدیداران سے حلف لیا اور انہیں اپنے حلف کی پاسداری کی تلقین کی ۔حاضرین نے نو منتخب عہدیداران کو مبارکباد پیش کی جبکہ تقریب سے ایپکا مرکزی قائدین نے ملازمین کے حقوق کی جنگ جاری رکھنے کا عزم کرتے ہوئے نو منتخب عہدیداران کو فرائض تندہی سے ادا کرنے کی کے احکامات جاری کئے اور اپنی مکمل سپورٹ کی یقین دہانی بھی کرائی ۔مرکزی صدر پاکستان و چیئرمین اگیگا خالد جاوید سنگھیڑا نے کہا کہ ایپکا عہدیداران حلف کی پاسداری کریں ، امید کرتا ہوں وہاڑی میں ایپکا مزید مضبوط ہوگی ،محمد طیب بھٹی کا ایپکا کیلئے کام قابل فخر ہے ،شوکت ساغر، اسلم چدھڑ اور طاہرہ علوی جیسی محنتی قیادت کی کاوشوں قابل ستائش ہیں۔
