بین الصوبائی منشیات سمگلرسمیت 11منشیات فروش گرفتار
کوٹ ادو(تحصیل رپورٹر،نامہ نگار)پولیس نے بین الصوبائی منشیات سمگلرسمیت 11منشیات فروش دھرلئے ۔
،پونے 3کلوسے زائد چرس سمیت 250لٹر دیسی شراب برآمد،منشیات سمگلرعرصہ سے جنوبی پنجاب میں منشیات سمگل کرنے کا مکروہ دھندہ کررہا تھا،پکڑے جانیوالوں میں 3بھائی بھی شامل ہیں۔تفصیل کے مطابق پولیس سٹی کوٹ ادو نے سینما روڈ شیرے والی نرسری کے قریب بین الصوبائی منشیات سمگلرلالہ کالونی کے سیفل شاہ کو گرفتار کرکے لتورہ بورہ پشتون افغانستان کی اعلیٰ کوالٹی کی پونے 3کلو سے زائدچرس برآمدکرلی ۔پولیس صدر کوٹ ادو نے طارق چوک سے وارڈنمبر 14 سی کے شان نواز سدانی کو 2بھائیوں عامرنوازسدانی،نعمان نواز سدانی سمیت جبکہ کنڈی چوک سے دریا خان بھکر کے صدام تیلی اور پتل موڑ سے لیاقت پور کے بابر رانگر کو گرفتار کر لیا۔ پولیس دائرہ دین پناہ نے پل 40 سے رکھ پتل کے یاسین گاڈی،گلاب نہرسے چک نمبر522 ٹی ڈی اے کے اسلم بھرانی،پل ہزارہ سے چک نمبر 152 کے عادل خان پٹھان،کنڈا سٹاپ سے شادیخاں منڈا کے طارق حسین بھٹی اورفیضو والا پمپ کے قریب بخاری روڈ کوٹ ادو کے محبوب احمد شاہ کو گرفتار کیا۔مزید کارروائیاں جاری ہیں۔
