ایک ہی روز 4موٹر سائیکل ، رکشہ ، قیمتی گائے چوری
کوٹ ادو(نامہ نگار،تحصیل رپورٹر)ایک ہی روز 4موٹر سائیکل ،رکشہ اور کاشتکار کی قیمتی گائے چوری کرلی گئی ،پولیس نے ملزموں کیخلاف مقدمات درج کر کے کارروائی شروع کردی۔
تفصیل کے مطابق پہلے واقعہ میں تھانہ سٹی کوٹ ادو کے علاقہ چاہ ولی دادوالہ کے عامر محمود مندرانی بلوچ کی جامعہ مسجد کے باہر سے موٹرسائیکل ،بستی نبی والا پتل کوٹ ادو مستقل غربی کے خلیل چانڈیہ کی جامعہ مسجد فاطمۃ الزہراکے باہر سے موٹرسائیکل چوری کر لی گئی۔ تھانہ صدر کوٹ ادو کے علاقہ بستی پرہاڑ کے رہائشی رائے زبیر پرہاڑ کی جامعہ مسجد بستی پرہاڑ کے باہرسے بھی موٹر سائیکل چوری ہو گئی ۔تھانہ دائرہ دین پناہ کے علاقہ ٹبہ شاہ یعقوب کے رہائشی رکشہ ڈرائیور عبدالرشید کمہار کا مسجد احمد یار پارک کے باہر کھڑا چنگ چی رکشہ چوری ہوگیا۔محلہ صدیق آباد وارڈ نمبر 10 کے رہائشی اللہ ڈتہ بھٹی کی فریژن نسل کی گائے مالیتی2 لاکھ50 ہزار بھی چوری کرلی گئی۔
