بچوں میں گردوں کا بڑھتا مرض خطرہ،صالحہ پاشا
ملتان (لیڈی رپورٹر) انر وہیل کلب 340 کی صدر صالحہ پاشا نے ایگزیکٹو کمیٹی ممبرز کے ہمراہ چلڈرن ہسپتال کمپلیکس ملتان کا دورہ کیا۔۔۔
جہاں انہوں نے گردوں کی بیماریوں میں مبتلا بچوں سے ملاقات کی اور ان میں تحائف تقسیم کئے ۔اور کہا یہ معصوم بچے جو گردوں کے مسائل کا شکار ہیں، اپنی زندگی کے سب سے نازک دور سے گزر رہے ہیں، گردوں کی بیماریوں سے بچاؤ کے لئے ضروری ہے کہ والدین بچوں کی خوراک کا خاص خیال رکھیں، انہیں صاف پانی فراہم کریں اور کسی بھی قسم کی بیماری کی علامات نظر آنے پر فوری طور پر ڈاکٹر سے رجوع کریں۔ دورے کے بعد صدر صالحہ پاشا اور ان کی ٹیم نے چلڈرن ہسپتال کمپلیکس اینڈ انسٹی ٹیوٹ کے ڈین پروفیسر ڈاکٹر کاشف چشتی سے ملاقات کی اور گردوں کے مریض بچوں کے ڈائیلسس یونٹ کے لئے دو لاکھ روپے کا چیک عطیہ کیا۔
روزنامہ دنیا ایپ انسٹال کریں
