علی پورچٹھہ:ڈکیتی مزاحمت پر فائرنگ ، 2 مزدور زخمی
علی پورچٹھہ(تحصیل رپورٹر )تھانہ علی پور چٹھہ کا علاقہ ڈکیتوں کی آماجگاہ بن گیا، مزدوروں سے موٹرسا ئیکل چھین لی اورمزاحمت پر گولیاں مار دیں ، زخمی فیصل اور شہباز کو ہسپتال منتقل کردیا۔
تھانہ علی پورچٹھہ میں گزشتہ سال سے مسلسل چوری ڈکیتی، راہزنی کی وارداتوں کا لامتناہی سلسلہ جاری ہے ۔گزشتہ روز نواحی علاقہ گاجر گولا کے رہا ئشی فیصل اور شہبازکوٹ جان بخش سے مزدوری کرکے سرشام واپس گھر آرہے تھے کہ 4نامعلوم ڈاکو ئوں نے اسلحہ کے زور پر روک لیا ،موٹر سائیکل چھین لی جس پر محنت کشوں نے مزاحمت کی جبکہ ڈکیتوں نے گولیاں مار دیں جس کے نتیجہ میں فیصل اور شہباز زخمی ہوگئے جن کو آرایچ سی ہسپتال علی پورچٹھہ منتقل کردیا گیا ۔ تھانہ علی پورچٹھہ نے مقدمہ درج کرلیا ۔
روزنامہ دنیا ایپ انسٹال کریں
