تمام لیگز اپنی اپنی انفرادی حیثیت میں پروفیشنل ہیں: کرس جارڈن
اسلام آباد: (دنیا نیوز) ملتان سلطانز کے کھلاڑی کرس جارڈن نے کہا ہے کہ تمام ٹی 20 لیگز اپنی اپنی انفرادی حیثیت میں پروفیشنل لیگز ہیں۔
اسلام آباد میں میڈیا سے گفتگو کرتے ہوئے کرس جارڈن نے کہا ہے کہ پاکستان سپر لیگ میں کھانا ذائقہ دار اور ثقافت مختلف ہے، پاکستان سپر لیگ میں تماشائی بھی اچھی تعداد میں آتے ہیں۔
کراچی کے خلاف ملتان سلطانز کے میچ کے بارے میں بات کرتے ہوئے کرس جارڈن کا کہنا تھا کہ کراچی کنگز کے خلاف میچ سنسنی خیز تھا۔
انہوں نے مزید کہا ہے کہ ملتان سلطانز کی باؤلنگ پر کوئی سوال نہیں، ٹیم بہت مطمئن ہے، بطور غیر ملکی کھلاڑی لوکل کھلاڑیوں کو سکھاتے رہتے ہیں، امید ہے آنے والے میچز میں اچھی کارکردگی دکھائیں گے۔
