انتہائی مطلوب ٹی ٹی پی کمانڈر بادشاہ خان افغانستان میں ہلاک
کابل(نیوز ایجنسیاں)کالعدم تحریک طالبان پاکستان (ٹی ٹی پی)کا اہم کمانڈر اور مفتی نور ولی کا دست راست کمانڈر بادشاہ خان افغان صوبہ پکتیکا میں ہلاک ہو گیا۔
دہشت گرد بادشاہ خان بارودی سرنگ کی زد میں آکر ہلاک ہوا، بادشاہ خان پاکستان کو انتہائی مطلوب افراد کی فہرست میں شامل تھا۔بتایا گیا ہے کہ کمانڈر بادشاہ خان پاکستانی سکیورٹی فورسز پر دہشتگردانہ حملوں اور اغوا برائے تاوان جیسے سنگین جرائم میں ملوث اور انتہائی مطلوب افراد کی فہرست میں شامل تھا،کالعدم دہشتگرد تنظیم تحریکِ طالبان پاکستان نے ملا فضل اللہ کی امریکی حملے میں ہلاکت کے بعد 2018 میں نور ولی محسود کو تنظیم کا نیا سربراہ مقرر کیا تھا۔
روزنامہ دنیا ایپ انسٹال کریں
