جنوبی کوریا :بیٹری پلانٹ میں آتشزدگی 18چینی باشندوں سمیت 22ہلاک
سیئول (اے ایف پی)جنوبی کوریا کی لیتھیم بیٹری فیکٹری میں آگ لگنے سے 22 افراد ہلاک ہو گئے جن میں 18 چینی شہری بھی شامل ہیں ۔
رپورٹ کے مطابق بیٹریاں بنانے والی اریسیل کمپنی کے پلانٹ کے گودام میں رکھے لیتھیم بیٹری کے سیلز کے پھٹنے کے سبب آگ لگی۔ رپورٹ کے مطابق کمپنی کے پلانٹ میں 35 ہزار سے زائد بیٹری سیلز سٹور کیے گئے ہیں جہاں بیٹریوں کا معائنہ اور پیکجنگ بھی کی جاتی ہے ۔ خیال رہے کہ لیتھیم بیٹریاں موبائل فون، لیپ ٹاپ اور الیکٹرک گاڑیوں میں استعمال کی جاتی ہیں ۔یاد رہے جنوبی کوریا لیتھیم بیٹریاں برآمد کرنے والا دنیا کا سب سے بڑا ملک ہے ۔
روزنامہ دنیا ایپ انسٹال کریں
