نائیجیریا:یوتھ فیسٹیول کے دوران بھگدڑ ، 35 طلبا ہلاک
ابوجا(اے ایف پی )نائیجیریا کے ایک ا سلامی سکول میں یوتھ فیسٹیول کے دوران بھگدڑ مچ گئی جس کے نتیجے میں 35 طلبا ہلاک ، درجنوں زخمی ہوگئے ۔
افسوسناک حادثہ نائیجیریا کی جنوب مغربی اویو ریاست کے دارالحکومت عبادان کے ایک اسلامی ہائی سکول میں پیش آیا۔ہلاکتوں میں اضافے کا خدشہ ہے ۔میڈیا رپورٹس کے مطابق یوتھ فیسٹیول میں 5 ہزار سے زائد افراد موجود تھے ،پنڈال طلبا سے کھچا کھچ بھرا ہوا تھا ،نامعلوم وجوہات کے باعث بھگدڑ مچنے سے درجنوں افراد کچلے گئے ۔پولیس کا کہنا ہے کہ تقریب کے 8 منتظمین کو حراست میں لے کر تفتیش کا آغاز کردیا۔
روزنامہ دنیا ایپ انسٹال کریں
