نمرہ خان کو زمین پر ہی جنت کے کچھ ٹکڑے مل گئے
اداکارہ ٹھنڈے علاقے میں موجود،ہرطرف برف ہی برف ،سیلفی ویڈیوز شیئر
لاہور(شوبز ڈیسک ) اداکارہ و ماڈل نمرہ خان کا کہناہے کہ اُنہیں زمین پر جنت کے ٹکڑے مل گئے ہیں۔انہوں نے سوشل میڈیا پر2ویڈیوز اپ لوڈ کی ہیں، ان سیلفی ویڈیوز میں دیکھا جا سکتا ہے کہ وہ کسی ٹھنڈے علاقے میں موجود ہیں اور اُن کے چاروں طرف صرف برف ہی برف نظر آ رہی ہے ۔نمرہ خان نے جگہ کا نام تو نہیں بتایا ہے مگر اُن کی دونوں ویڈیوز کے کیپشن دیکھ کر لگ رہا ہے کہ وہ برف باری کے حسین نظاروں سے کافی محظوظ ہو رہی ہیں اور ان نظاروں کو جنت کا ٹکڑا کا قرار دے رہی ہیں۔ ایک کیپشن میں ان کاکہناتھاکہ زمین پر کوئی جنت نہیں مگر یہ نظارے جنت کے کچھ ٹکڑے ہیں۔
روزنامہ دنیا ایپ انسٹال کریں
