احمد علی اکبر کی اداکاری سے بھارتی اداکارہ بھی متاثر
لاہور(شوبز ڈیسک) پاکستانی اداکار احمد علی اکبر نے اپنی شاندار اداکاری سے بھارتی اداکارہ سونم باجوہ کو بھی اپنا گرویدہ کرلیا۔
بھارت کی پنجابی فلموں کی مشہور اداکارہ سونم باجوہ نے اپنی انسٹاسٹوری پر احمدعلی اکبر کے ڈرامے ‘پری زاد ’ کی آخری قسط کے ایک سین کا سکرین شاٹ شیئرکیا ہے ۔اُنہوں نے اس ڈرامے میں احمد علی اکبر کی اداکاری کی تعریف کرتے ہوئے لکھا کہ‘ یہ غیر معمولی ہے ۔سونم باجوہ کے تعریف کرنے پر جواباََ احمد علی اکبر نے اداکارہ کی انسٹا سٹوری کو اپنے انسٹاگرام اکاؤنٹ پر دوبارہ شیئر کیا۔اُنہوں نے سونم باجوہ کی انسٹا سٹوری کو شیئر کرتے ہوئے حیرت کا اظہار کیا۔ اداکار نے اپنی انسٹا سٹوری پر لکھا کہ‘آپ کا بہت شکریہ۔
روزنامہ دنیا ایپ انسٹال کریں
