شعلے اور دیوار میں کام سے انکار کا آج تک افسوس:شتروگھن
ممبئی (شوبزڈیسک) بالی ووڈ کے ماضی کے مقبول ہیرو شتروگھن سنہا نے کہا کہ انہیں 1975 کی ہٹ فلموں دیوار اور شعلے میں کام سے انکار کا افسوس ہے ۔
انہوں نے کہا کہ یہ فلمیں تو میرے لیے لکھی گئی تھیں۔ مجھے آج تک اپنی اس غلطی پر افسوس ہے ، دراصل ان دونوں میں کام کے لیے پہلے مجھے پیشکش ہوئی، میرے انکار کے بعد امیتابھ بچن کو کاسٹ کیا گیا۔ میرے اور فلم سازوں کے درمیان کچھ فکر و نظر اور کچھ شوٹنگ کی تاریخ کا اختلاف تھا جس پر میں نے ان دونوں میں کام سے انکار کر دیا تھا۔