شاہ رخ کے چھوٹے بیٹے کی بھی فلمی دُنیا میں انٹری
ممبئی(شوبزڈیسک )بالی ووڈ کے کنگ شاہ رخ خان کے بڑے بیٹے آریان خان کے بعد اب اُن کے چھوٹے بیٹے ابرام خان نے بھی اپنے شوبز کیریئر کا آغاز کردیا ہے ۔
بھارتی میڈیا کے مطابق شاہ رخ خان اور اُن کے دونوں بیٹوں آریان خان اور ابرام خان نے ہالی ووڈ کی اینیمیٹڈ فلم ‘دی لائن کنگ’ کے سیکوئل ’مفاسہ: دی لائن کنگ‘ کے ہندی ورژن میں ڈبنگ کی ہے ۔شاہ رخ خان ’مفاسہ: دی لائن کنگ‘ میں ڈبنگ کرکے پہلی بار اپنے دونوں بیٹوں کے ساتھ کام کررہے ہیں جبکہ اُن کے بیٹے ابرام نے اس پراجیکٹ کے ذریعے شوبز میں اپنے کیریئر کا آغاز کیا ہے ۔’مفاسہ: دی لائن کنگ‘ کا ٹریلر بھی جاری کردیا گیا ہے جس میں دیکھا جاسکتا ہے کہ شاہ رخ خان نے فلم میں اپنا مزاحیہ ٹچ بھی شامل کیا ہے ، فلم کا ٹریلر دیکھ کر مداحوں کا کہنا ہے کہ ابرام خان نے بڑے ہی شاندار انداز میں ڈبنگ میں اپنا ڈیبیو کیا ہے ۔
