وسیم اکرم مجھ سے ملکر پانی پانی ہوگئے تھے :راکھی

ممبئی (آئی این پی)بالی ووڈ کی متنازعہ اداکارہ و ڈانسر راکھی ساونت نے دعویٰ کیا ہے کہ سابق پاکستانی کرکٹر وسیم اکرم ان سے مل کر پانی پانی ہوگئے تھے ۔
راکھی ساونت کاحال ہی میں پاکستانی یوٹیوبر کو دئیے گئے انٹرویو میں کہنا تھا کہ پاکستان میں ان کے بہت سارے مداح ہیں جو سوشل میڈیا پلیٹ فارمز پر انہیں ڈیجیٹل تحائف بھی بھیجتے ہیں، اسی وجہ سے وہ کہتی ہیں کہ انہوں نے پاکستان کا نمک کھایا ہے ۔راکھی ساونت نے انکشاف کیا کہ ایک بار کرکٹ سٹیڈیم میں وہ وسیم اکرم سے ملی تھیں، انہوں نے کرکٹر سے ہاتھ ملایا تو کھلاڑی ہلتے رہے گئے ، انہیں کرنٹ لگا تھا۔بھارتی اداکارہ نے کسی پاکستانی لڑکے سے شادی کرنے کی خواہش بھی ظاہر کی اور کہا کہ ایک بار انہوں نے بھارت میں شادی کی، اب پاکستانی سے شادی کرنا چاہتی ہیں۔