ڈپریشن کی وجہ سے تین بار خودکشی کی کوشش کی:ثروت گیلانی
کراچی(شوبزڈیسک )اداکارہ ثروت گیلانی نے انکشاف کیا ہے کہ انہوں نے شدید ڈپریشن کی وجہ سے تین بار خودکشی کی کوشش کی تھی۔
عائشہ عمر کے ساتھ ایک انٹرویو میں ثروت گیلانی نے اپنی زندگی کے تاریک ترین لمحات کے بارے میں بتاتے ہوئے کہا کہ وہ اپنی بیٹی کی پیدائش کے بعد پوسٹ پارٹم ڈپریشن سے گزریں اور اپنی زندگی ختم کرنا چاہتی تھی۔ میں نے تین بار خودکشی کرنے کی کوشش کی، ڈرائیونگ کرتے وقت سوچتی تھی کہ گاڑی کسی کھمبے سے ٹکرا دوں، ڈپریشن کی وجہ سے اس طرح کے خیالات آتے ہیں۔ میں نے اپنی تھراپی کروائی جس کے بعد معمول پر آنے کے قابل ہوئی۔ خوشگوار ازدواجی زندگی کے لیے مادیت پسند نہ ہونا، ایک دوسرے کو سمجھنا اور حدود کا تعین ضروری ہے ۔واضح رہے کہ پوسٹ پارٹم ڈپریشن بچے کی پیدائش کے بعد خواتین میں ہونے والا ایک عام عارضہ ہے ۔
روزنامہ دنیا ایپ انسٹال کریں
