بھارتی ساؤتھ فلم انڈسٹری کے سٹار اداکار الو ارجن گرفتار
ممبئی (شوبزڈیسک) بھارتی ساؤتھ فلم انڈسٹری کے سٹار اداکار الو ارجن کو گرفتار کر لیا گیا۔بھارتی میڈیا کے مطابق الو ارجن کو 4 دسمبر کو سندھیا تھیٹر میں بھگدڑ مچنے کے معاملے پر تلنگانہ پولیس نے گرفتار کیا ۔۔
بھارتی پولیس گزشتہ صبح الو ارجن کے گھر پہنچی تھی جہاں سے انہیں سخت سکیورٹی انتظامات کے ساتھ تھانے منتقل کر دیا گیا ہے ۔ 4 دسمبر کو حیدرآباد کے سندھیا تھیٹر میں الو ارجن کی بلاک بسٹر فلم ‘ پشپا 2 ’ کی نمائش کے دوران بھگدڑ مچنے سے ایک خاتون ہلاک اور اس کے 2 بیٹے شدید زخمی ہو گئے تھے ۔میڈیا رپورٹس کے مطابق الو ارجن سمیت ان کی سکیورٹی ٹیم اور سندھیا تھیٹر کی انتظامیہ کے خلاف قتل و تشدد کا مقدمہ درج ہے ،مقدمے میں کہا گیا ہے کہ اگر پولیس کو اداکار کے آنے کا معلوم ہوتا تو مزید سکیورٹی تعینات کی جا سکتی تھی، تھیٹر میں پہنچنے والے بڑے ہجوم اور سکیورٹی کی کمی کی وجہ سے بھگدڑ مچی۔
