مریم نور نے شوبز کی جھوٹی دوستیوں کا پردہ چاک کر دیا
کراچی(شوبز ڈیسک) اداکارہ اور ماڈل مریم نور نے شوبز انڈسٹری کی جھوٹی دوستیوں کا پردہ چاک کر دیا۔۔
مریم نور نے ایک پوڈکاسٹ میں کہا کہ انڈسٹری میں دوستیاں اصلی نہیں ہوتیں، جب تک آپ کسی کے ساتھ ایک ہی سطح پر کام کر رہے ہوں، تب تک وہ آپ کے دوست رہیں گے ، لیکن جیسے ہی انہیں کوئی بڑا پروجیکٹ ملے گا، وہ آپ سے منہ موڑ لیں گے کیونکہ اب انہیں اعلیٰ درجے کے دوست درکار ہوتے ہیں۔مریم نے مزید کہا کہ میڈیا میں زیادہ تر لوگ آپ کو صرف استعمال کرتے ہیں، جنہیں میں نے خود کام دلوایا، وہ شہرت ملنے کے بعد مڑ کر بھی نہیں دیکھتے ۔ جب لوگ آپ کو استعمال کرتے ہیں، تو آپ کو بھی اُنہیں استعمال کرنا سیکھنا چاہیے ۔
روزنامہ دنیا ایپ انسٹال کریں
