صحت کا راز? روزانہ دوکلو گالیاں کھاتا ہوں
بھارتی وزیراعظم نے دورہ لندن میں بھارتی باشندوں سے خطا ب کیا تقریب میں ایک نو جوان نے ان سے پوچھا کہ دن میں بیس بیس گھنٹے کام کرنا معمولی بات نہیں ہمیں بتایا جائے
دنیا مانیٹرنگ کہ آپ میں اتنی طاقت آتی کہاں سے ہے اورآپ کبھی تھکے نظر نہیں آتے ، آخر اس صحت کا راز کیا ہے تو نریندر مودی نے ازراہ تفنن کہاکہ ا س کے کئی جواب ہیں لیکن ان کے ذہن میں جو اس وقت ہے وہ یہ ہے کہ پچھلے 20سال سے روزانہ ایک سے دو کلو گالیاں کھاتا ہو ں ۔ اس پر ہال قہقہوں سے گونج اٹھا بعد ازاں انہوں نے ایک مثال دی کہ کسی سادھو نے 8سالہ بچی کو اپنے 3سالہ بھائی کو اٹھائے پہاڑی پر چڑھتے دیکھا تو اس نے بچی سے پوچھا کہ تمہیں تھکاوٹ نہیں ہو رہی تو اس بچی نے جواب دیا کہ یہ تو میرا بھائی ہے اس پر سادھو نے دوبارہ پوچھا کہ میں نے یہ نہیں پوچھا کہ یہ تمہارا کیا لگتا ہے میں نے تو یہ پوچھا ہے کہ تمہیں تھکاوٹ نہیں ہو رہی تو اس بچی نے دوبارہ وہی جواب دیا کہ یہ تو میرا بھائی ہے جب اس نے تیسری بار سوال کیا تو بچی نے پھر وہی جواب دیاکہ یہ تو میرا بھائی ہے اور بھائی کواٹھانے سے تھکاوٹ نہیں ہو تی ۔مودی نے کہاکہ ملک کے سوا ارب عوام میرے خاندان کی طرح ہیں ۔انہوں نے کہاجہاں آپ اپنا پن اور محبت محسوس کرتے ہیں آپ خواہ کتنے ہی تھکے ہارے ہوں جسم ساتھ نہ دیتا ہو آرام کرنے کی شدید ضرورت ہولیکن ٹیلی فون آجائے کہ آپ کا بھتیجا ہسپتال میں ہے تو ساری تھکاوٹ بھول جاتی ہے آپ بھاگم بھاگ اس کے پاس پہنچتے ہیں رات بھر اس کی خدمت میں گزار دیتے ہیں آپ اپنا آپ بھول جاتے ہیں کیونکہ وہ آپ کا اپنا ہے ۔ میری زندگی بھی اسی طرح ہے میں بھی تھکا ہوتا ہوں آرام چاہتا ہوں لیکن اپنوں کیلئے جب دہلی سے کیرالہ سے یادور دراز سے کوئی خبر آتی ہے تو میں اٹھ بیٹھتا ہوں اور خود کو تازہ دم کر کے کام میں جت جاتاہوں۔دوسری بات یہ کہ آج تو وزیراعظم ہوں کوئی چائے لے آئے گااور کوئی پانی بھی پلادے گا لیکن مجھے معلوم ہے اس کے بعد کیا ہوگا ۔میں کسی پر بوجھ نہیں بنتا ۔ یہ میرے من کی خواہش ہے کہ میں ایسے ہی ہنستے کھیلتے کسی دن اس دنیا سے چلا جاؤں ۔اس لیے جسم کو جتنا فٹ رکھ سکتا ہوں رکھتا ہوں۔
