قرض کیلئے اگلے ماہ آئی ایم ایف سے مذاکرات کرینگے :اسد عمر
چنیوٹ میں ڈیم اچھا آئیڈیا ،صوبوں اور وفاق کے درمیان ٹیکس کا شدید مسئلہ ہے
فیصل آباد(سپیشل رپورٹر)وفاقی وزیر خزانہ اسد عمر نے کہا ہے کہ آئی ایم ایف سے قرض کے حصول کے لئے اگلے ہفتے بات چیت کریں گے ،جب تک صنعت پاؤں پر کھڑی نہیں ہوتی باقی ملکوں سے آگے نہیں نکل سکتے ،وسائل کی کمی ہے اوریہ سمجھنے کی ضرورت ہے کہ تھوڑے وسائل کہاں لگانے ہیں ، ایوان صنعت وتجارت فیصل آباد میں تقریب سے خطاب کرتے ہوئے انہوں نے کہا کہ اس وقت پاکستان تاریخ کے مشکل ترین دور سے گزر رہا ہے ،کہا جارہاہے کہ خطے میں پاکستان افغانستا ن سے بھی پیچھے ہے لیکن ایسانہیں،پاکستان میں اﷲ تعالی کی ہر نعمت ہے لیکن پھر بھی ہم آئی ایم ایف سے قرض لینے کے دوراہے پر کھڑے ہیں،اگلے ہفتے ہم آئی ایم ایف سے قرض لینے کے لیے بات چیت کریں گے ،ہم دنیا کے تمام ملکوں سے پیچھے رہ گئے ہیں جب تک ہماری صنعت اپنے پائوں پر کھڑی نہیں ہوتی تب تک ہم باقی ملکوں سے آگے نہیں نکل سکتے ،ہمارے پاس وسائل کی کمی ہے اور اب یہ سمجھنے کی ضرورت ہے کہ تھوڑے وسائل کو کہاں لگانا ہے ، انہوں نے کہا کہ چنیوٹ میں ڈیم کا ایک اچھا آئیڈیا ہے اور میں اس حوالے سے بات کروں گا ۔
