اقوام متحدہ فلسطین اور کشمیر پر ناکام :مشال ملک
ہندوستان اور اسرائیل دونوں ایک ہی ایجنڈے پر کام کر رہے ہیں،پریس کانفرنس
اسلام آباد (سٹی رپورٹر)اسیر حریت رہنما یاسین ملک کی اہلیہ مشا ل حسین ملک نے کہا ہے کہ کشمیر میں قتل عام کی ایک طویل داستان ہے ،مقبوضہ کشمیر میں لوگ آزادی کیلئے اپنی جانیں قربان کر رہے ہیں،دنیا میں اسلام مخالف تحریک چل رہی ہے ،جمعہ کو یہاں پریس کانفرنس کرتے ہوئے انہوں نے کہا کہ فلسطین اور کشمیریوں کو ایک جیسی جنگ کا سامنا ہے ،سیز فائر سے فلسطین اور مسئلہ کشمیر کا حل نہیں ہونا،اشرف صحرائی کو جیل میں قتل کیا گیا،انہیں زہر دیا گیا،مقبوضہ کشمیر میں کشمیری بھوک سے مر رہے ہیں،فلسطین کے معاملے پر دنیا کو کھڑا ہونا پڑے گا،کشمیری لیڈر شپ جیلوں میں بند ہے ،فلسطین اور کشمیر جل رہے ہیں،کشمیری اور فلسطینی کیا قربانیاں دینے کے لئے پیدا ہوئے ہیں ،یو این او فلسطین اور کشمیر کے معاملے پر ناکام ہو گیا ،ہندوستان اور اسرائیل دونوں ایک ہی ایجنڈے پر کام کر رہے ہیں، آسیہ اندرابی،یا سین ملک کا بھارتی ایجنسیوں نے خاندان سے رابطہ منقطع کر دیا ،دنیا کو مسئلہ کشمیر اور فلسطین کا مسئلہ حل کرنا ہو گا۔
