لاہورمیں بارش کا امکان
آج لاہورسمیت صوبے کے مختلف علاقوں میں تیز ہوائوں کے ساتھ بارش متوقع ہے
لاہور(لیڈی رپورٹر) محکمہ موسمیات کے مطابق ہفتہ کے روز ملک کے بیشتر اضلاع میں موسم گرم اور خشک رہے گا۔تاہم کشمیر ،جنوبی پنجاب ، بالائی سندھ اور مشرقی بلوچستان میں آندھی اور گرج چمک کے ساتھ بارش کا امکان ہے ۔ پنجاب میں لاہور، ملتان،رحیم یارخان ، بہاولپور،بہاولنگر اورڈی جی خان ، خطۂ پوٹھوہار، منڈی بہاؤالدین، گوجرانوالہ، نارووال، سیالکوٹ، گجرات اور فیصل آباد میں چند مقامات پر تیزہوائوں اورگرج چمک کے ساتھ بارش کی توقع ہے ۔ جمعہ کے روز زیادہ سے زیادہ درجہ حرارت نوکنڈی 46،دالبندین45،شہید بینظیر آباد، دادو ،سبی 44،تربت43،سکھر،موہنجوداڑو42،مٹھی40، بہاولپور ،بنوں 39،ڈیرہ غازیخان،ڈیرہ اسماعیل خان،حیدرآباد38، ملتان، ساہیوال ، پشاور،ٹھٹھہ37،کراچی،کوئٹہ ، گلگت 36،فیصل آباد،گوادر35، چترال ،سیدوشریف34،مظفرآباد، قلات33،سرگودھا، اٹک،دیر، گڑھی دوپٹہ32، لاہور،سکردو،جموں31، اسلام آباد30، جہلم 28، ایبٹ آباد،استور27، راولاکوٹ23، مالم جبہ21، مری20 ڈگری سینٹی گریڈریکارڈ کیا گیا۔
