انتخابی اصلاحات کمیٹی کیلئے پارلیمانی جماعتوں سے نام طلب
اسلام آباد (سٹاف رپورٹر)سپیکر قومی اسمبلی راجہ پرویز اشرف نے قومی اسمبلی میں تمام پارلیمانی رہنماؤں کو انتخابی اصلاحات کی پارلیمانی کمیٹی کے لئے اپنی متعلقہ جماعتوں کی جانب سے نام مانگ لئے۔
سپیکر نے پارلیمانی رہنماؤں سے کہا ہے کہ وہ اس خط کے جاری ہونے کے سات دنوں کے اندر اپنی نامزدگیاں قومی اسمبلی سیکر ٹر یٹ کو بھیج دیں ،سپیکر نے اپنے خط میں لکھا ہے کہ قومی اسمبلی نے 16 اپریل 2022 کو اپنے اجلاس میں قومی اسمبلی کے قواعد و ضوابط کے طریق کار 2007 کے قاعدہ 244 (B) کے تحت ایک تحریک منظور کی تھی جس کے تحت پارلیمانی کمیٹی تشکیل دی جائے گی۔
جو الیکشن اصلاحات میں خامیوں کا جائزہ اور گزشتہ انتخابات اور انتخابی اصلاحات کے لئے سفارشات پیش کرے گی تاکہ آئندہ انتخابات کا آزادانہ، منصفانہ اور شفاف انعقاد یقینی بنایا جا سکے ،یہ خطوط پی ٹی آئی ،ایم کیو ایم ،ایم ایم اے ، پی ایم ایل این، بی این پی ایم ،اے این پی ،پی پی پی پی ، جی ڈی اے ،جے ڈبلیو پی ، اے ایم ایل پی ،پی ایم ایل اور بی اے پی کو ارسال کئے گئے ہیں ۔
