پاک چین اقتصادی راہداری اتھارٹی تحلیل کرنیکا فیصلہ
اسلام آباد (نیوز رپورٹر ) وفاقی حکومت نے چین پاکستان اقتصادی راہداری اتھارٹی تحلیل کرنے کا فیصلہ کیا ہے ۔
وزارت خزانہ نے چین پاکستان اقتصادی راہداری اتھارٹی کا بجٹ ختم کر دیا ہے ، گزشتہ مالی سال 2023-2024میں بھی سی پیک اتھارٹی کیلئے بجٹ جاری نہیں کیا گیا۔ چین پاکستان اقتصادی راہداری کے تحت منصوبے وزارت منصوبہ بندی، وزارت مواصلات اور خصوصی سرمایہ کاری سہولت کونسل کے تحت مکمل کیے جائیں گے ۔ حکومت نے اتھارٹی کیلئے رواں مالی 2024-2025کیلئے بجٹ کی منظوری نہیں دی۔ وزارت خزانہ نے 2022-2023میں سی پیک اتھارٹی کیلئے تیرہ کروڑ گیارہ لاکھ بجٹ مختص کیا اور اتھارٹی نے 55لاکھ روپے اخراجات کیے تھے ۔ چیئرمین سی پیک اتھارٹی کا عہدہ گزشتہ چار سال سے خالی تھا۔
روزنامہ دنیا ایپ انسٹال کریں
