صدر زرداری کا دبئی ایئر پورٹ پر جہازسے اترتے پاؤں فریکچر
اسلام آباد(نامہ نگار)صدر مملکت آصف علی زرداری کا دبئی ایئر پورٹ پہنچنے پر جہاز سے اترتے ہوئے پائوں فریکچر ہوگیا۔
گزشتہ روز ایوان صدر سے جاری بیان کے مطابق گزشتہ روز دبئی ایئرپورٹ پر حادثے کے بعد صدر آصف علی زرداری کو فوری طور پرابتدائی طبی امداد کے لئے ہسپتال منتقل کیا گیا۔ڈاکٹرز نے چیک اپ کے بعدہسپتال میں صدر مملکت کے پائوں پر 4ہفتے کیلئے پلاسٹر کردیا۔طبی امدادکے بعد صدر مملکت گھر منتقل ہوگئے ،ڈاکٹرزنے انہیں مکمل آرام کا مشورہ دیاہے ۔ وزیراعظم شہباز شریف نے صدر مملکت آصف علی زرداری سے ٹیلی فون پر رابطہ کرکے ان کی خیریت دریافت کی،وزیراعظم نے صدر مملکت کی جلد صحت یابی کیلئے نیک تمناؤں کا اظہار کیا۔سربراہ جے یوآئی مولانا فضل الرحمن نے چیئرمین پاکستان پیپلزپارٹی بلاول بھٹو زرداری کوٹیلی فون کیا اور ان سے صدر آصف علی زرداری کی خیریت دریافت کی اورنیک تمناؤں کا اظہار کرتے ان کی جلد صحت یابی کی دعا کی ۔
