ڈونلڈ ٹرمپ کی کامیابی سے ہمیں کوئی لینا دینا نہیں: اسد قیصر
صوابی (مانیٹرنگ ڈیسک )پی ٹی آئی رہنما اور سابق سپیکر قومی اسمبلی اسد قیصر نے کہا ہے کہ ہمیں ٹرمپ کی کامیابی سے کوئی لینا دینا نہیں ، اپنے ملک کے معاملات میں کسی کو مداخلت کی اجازت نہیں دیتے ۔
صوابی میں میڈیا سے گفتگو کرتے ہوئے اسد قیصر نے کہا کہ بانی پی ٹی آئی کو باعزت رہا کیا جائے ، ان کے خلاف سیاسی اور انتقامی بنیادوں پر کیسز بنائے گئے ہیں۔انہوں نے کہا کہ ہم چاہتے ہیں ملک میں قانون کی حکمرانی ہو، جس طرح ہمارے مینڈیٹ کو چوری کیا گیا وہ ہمیں واپس کیا جائے ۔امریکی انتخابات کے حوالے سے اسد قیصر کا کہنا تھا کہ نو منتخب صدر ڈونلڈ ٹرمپ کی کامیابی سے ہمیں کوئی لینا دینا نہیں، ہم اپنی جدوجہد پر یقین رکھتے ہیں۔
روزنامہ دنیا ایپ انسٹال کریں
