بلوچستان:بم دھماکا،سکیورٹی اہلکار شہید،2زخمی پٹرول پمپ پر دستی بم سے حملہ
کوئٹہ ،اوستہ محمد (سٹاف رپورٹر،نیوزایجنسیاں) بلوچستان کے ضلع کیچ کے علاقے تربت میں سڑک کنارے نصب دیسی ساختہ بم پھٹنے سے سکیورٹی فورسز بم ڈسپوزل ٹیم کا ایک اہلکار شہیداور 2زخمی ہوگئے۔
اوستہ محمد میں نامعلوم افراد نے پٹرول پمپ پر دستی بم سے حملہ کردیا،جس سے 2افراد زخمی ہوئے ۔تفصیلات کے مطابق بلوچستان کے ضلع کیچ کے علاقے تربت میں آبسر کے مقام پر سکیورٹی فورسز کی بم ڈسپوزل ٹیم کو سڑک کنارے نصب دیسی ساختہ بم سے نشانہ بنایاگیا،جس کے نتیجے میں سپاہی شاہد رمضان شہید اور دو اہلکار شمس اور امان اللہ زخمی ہوگئے ۔لاش اور زخمیوں کوہسپتال منتقل کردیا گیاجبکہ سکیورٹی فورسزنے علاقے کو گھیرے میں لے کر سرچ آپریشن شروع کردیا ۔ پولیس کے مطابق گزشتہ روز اوستہ محمد کے پٹرول پمپ پردستی بم سے حملہ کیا گیا جس کے نتیجے میں واحد بخش اور نزاکت نامی شخص زخمی ہوگئے ۔
روزنامہ دنیا ایپ انسٹال کریں
