دنیا کا بڑا تاش کا پتہ، اونچائی 3 میٹر اور چوڑائی 2.02 میٹر
واشنگٹن(نیٹ نیوز)مخصوص تاش کے پتے بنانیوالے راب ہیلیفیکس نے دنیا کا سب سے بڑا تاش کا پتہ بنا کر دوسرا گینیز ورلڈ ریکارڈ اپنے نام کر لیا۔
رواں برس کے شروع میں راب نے تھری ڈی پرنٹنگ ٹیکنالوجی کا استعمال کرتے ہوئے دنیا کی سب سے چھوٹی تاش کی گڈی (5.0 mm x 3.6 mm) بنا کر پہلا ریکارڈ قائم کیا تھا۔اس کے بعد انہوں نے دنیا کے 2.87 میٹر بڑے تاش کے پتے کا ریکارڈ توڑنے کا فیصلہ کیا۔ یہ ریکارڈ بھارت کے رام کمار سارنگاپانی نے 2020 میں بنایا تھا۔راب نے بہت ساری چھوٹی تصاویر کا ایک موزائک بنا کر دل کے بادشاہ کا پتہ تشکیل دیا اور حال ہی میں لندن میں قائم گینیز ورلڈ ریکارڈز کے دفتر میں بھیجا۔اسکی کارڈ کی اونچائی 3 میٹر اور چوڑائی 2.02 میٹر ہے۔ یہ کارڈ دنیا کے سب سے لمبے شخص سلطان کوسین سے بھی بڑا ہے۔
روزنامہ دنیا ایپ انسٹال کریں
