وزیر اعظم،وزراکے ساتھ شرجیل میمن کے گھر پہنچ گئے ، پوتے کی مبارکباد دی
کراچی (سٹاف رپورٹر)وزیر اعظم شہباز شریف سندھ کے سینئر وزیر شرجیل انعام میمن کے گھر پہنچ گئے ۔نائب وزیر اعظم اسحاق ڈار، وفاقی وزرا محمد اورنگزیب، مصدق ملک، عطا تارڑ بھی ان کے ہمراہ تھے ۔
وزیر اعلیٰ مراد علی شاہ اور گورنر کامران ٹیسوری بھی وزیر اعظم کے ساتھ سینئر وزیر کے گھر تشریف لائے ۔اس موقع پر پیپلز پارٹی کے سینئر رہنما سید خورشید شاہ، سینیٹر نوید قمر، نثار احمد کھوڑو، سپیکر سندھ اسمبلی سید اویس قادر شاہ، صوبائی وزیر سعید غنی، معاون خصوصی قاسم نوید قمر، ایم این اے کرنل (ر)اسد اسلم نیازی اور دیگر بھی موجود تھے ۔ شرجیل انعام میمن اور ان کے صاحبزادے راول نے وزیر اعظم کا گھر آمد پر گرمجوشی سے استقبال کیا۔ملاقات کے دوران شہباز شریف نے شرجیل انعام میمن کو پوتے کی مبارکباد دی۔شرجیل انعام میمن نے میزبانی کا موقع دینے پر وزیر اعظم کا شکریہ ادا کیا۔ خوشگوار ماحول میں ہونے والی ملاقات کے دوران ملکی و صوبائی صورتحال سمیت دیگر امور پر گفتگو کی گئی۔
