سی ٹی ڈی آپریشنز،لاہور میں7خوارج سمیت 23دہشتگرد گرفتار

 سی ٹی ڈی آپریشنز،لاہور میں7خوارج سمیت 23دہشتگرد گرفتار

لاہور(کرائم رپورٹر)سی ٹی ڈی نے انٹیلی جنس بیسڈ آپریشن کے دوران 23 دہشت گردوں کو گرفتار کر لیا ۔ ترجمان سی ٹی ڈی کے مطابق کارروائی لاہور ،جہلم ، سیالکوٹ ،راولپنڈی ،گجرات ،سرگودھا ،فیصل آباد میں کی گئی۔

سی ٹی ڈی حکام کا کہنا ہے کہ لاہور سے فتنہ الخوارج کے 7 خطرناک دہشت گردوں کو اسلحہ و بارودی مواد سمیت گرفتار کر کے ان سے لاہور کے اہم تعلیمی ادارے کے نقشے ، آئی ای ڈی بم ،ڈیٹونیٹر ،حفاظتی فیوز تار نقدی برآمدکر لی گئی۔گرفتار دہشت گردوں میں عبدالرزاق ،محمد اسماعیل ،وجاہت علی ،یوسف رضا ، نسیم اللہ ،نذر اللہ ،ابوبکر ،طارق ،نسیم زمان ،شاہد نواز شامل ہیں۔دہشت گرد مختلف مقامات پر کارروائی کر کے خوف و ہراس پھیلانا چاہتے تھے ، حکام نے مزید بتایا کہ رواں ہفتے میں 9471 کومبنگ آپریشنز کے دوران1033 مشتبہ افراد کو بھی گرفتار کیا گیا۔کومبنگ آپریشنز کے دوران 21708 افراد سے پوچھ گچھ کی گئی۔

روزنامہ دنیا ایپ انسٹال کریں