تربت :نامعلو م مسلح افراد نے پولیس چوکی نذر آتش کردی
تربت(نامہ نگار )مسلح افراد پولیس چوکی نذرآتش کرکے اسلحہ اور سامان لوٹ کر فرار ہو گئے ،پولیس حکام کے مطابق گزشتہ رات تربت میں پولیس چوکی پرموٹرسائیکل سوار نامعلو م مسلح افراد نے حملہ کر کے پولیس اہلکاروں کو یرغمال بنا لیا اور بعدازاں چوکی نذر آتش کردی ۔
مسلح افراد سرکاری اسلحہ اور سامان بھی اپنے ہمراہ لیکر فرار ہوگئے ۔ واقعہ کی اطلاع ملتے ہی پولیس اور قانون نافذ کرنے والے اداروں کی جانب سے ملزموں کی تلاش شروع کردی گئی۔ ایک اور واقعہ میں ضلع کیچ میں زیر تعمیر تربت کا مند روڈ پر گہنہ کے مقام پر نامعلوم سمت سے راکٹ فائرکیا گیا جس کے نتیجے میں تربت ٹو مند روڈ کی تعمیر پر مامور ایک سول شخص معمولی زخمی ہوگیا جسے طبی امداد کیلئے ہسپتال منتقل کردیاگیا۔ واقعہ کے بعد سکیو رٹی فورسز نے جائے وقوعہ پر پہنچ کر شواہد اکٹھے کر لئے اور حملہ آوروں کی تلاش شروع کردی ، مزید کارروائی جاری ہے ۔
