شہباز شریف اور ایمل ولی میں ٹیلیفونک رابطہ ،ہفتے کے اندر مشترکہ اجلاس بلانے پر آمادگی
اسلام آباد(مانیٹرنگ ڈیسک)وزیراعظم شہباز شریف نے عوامی نیشنل پارٹی کے مرکزی صدر ایمل ولی خان کی تجویز پر دہشت گردی کے حوالے سے تمام سٹیک ہولڈرز کو بٹھا کر قومی لائحہ عمل اپنانے کے لیے جلد ہی مشترکہ اجلاس طلب کرنے پر آمادگی ظاہر کردی ۔
وزیراعظم شہباز شریف اور ایمل ولی خان کے درمیان ٹیلیفونک رابطہ ہوا اور دونوں رہنماؤں کے درمیان بلوچستان اور خیبر پختونخوا کے حالات پر اہم مشاورت ہوئی۔بیان میں کہا گیا ایمل ولی نے وزیراعظم کو تمام سٹیک ہولڈرز کے ساتھ مل بیٹھنے کی تجویز دی ۔شہباز شریف نے تجویز سے اتفاق کیا اور ہفتے کے اندر اہم اجلاس پر آمادگی ظاہر کردی ۔ دونوں رہنماؤں کے درمیان امن و استحکام کے لیے مشترکہ حکمت عملی اپنانے پر اتفاق ہوا ۔
روزنامہ دنیا ایپ انسٹال کریں
