پٹرول نرخ کم، بجلی بلوں میں ریلیف دیاجائے :حافظ نعیم
لاہور(مانیٹرنگ ڈیسک)امیر جماعت اسلامی حافظ نعیم الرحمٰن نے 70 روپے فی لٹر پٹرول لیوی کے نفاذ کو مسترد کرتے ہوئے پٹرول قیمتوں میں فوری کمی اور بجلی بلوں میں عوام کو ریلیف دینے کا مطالبہ کیا ہے۔
انہوں نے کہا معاشی حالات دن بدن بگڑ رہے ہیں اور حکومتی پالیسیوں سے عوام کو مزید مشکلات کا سامنا ہے ۔ جب قوم کے مینڈیٹ پر ڈاکا ڈالا جائے تو عوام حکمرانوں سے یکجہتی کا مظاہرہ کیسے کر سکتے ہیں؟جب تک فارم 47 کے مطابق حکومتیں مسلط کی جاتی رہیں گی، ملک میں استحکام نہیں آسکتا۔ انہوں نے تعلیم و صحت کے مسائل پر کہاحکومت کی ذمہ داری ہے کہ عوام کو سستی اور معیاری تعلیم اور صحت کی سہولیات فراہم کرے ۔ حکمران طبقہ خود کو تعلیم یافتہ ظاہر کرتا ہے مگر عملی طور پر قوم کے بچوں کو جاہل بنانے کی کوشش کر رہا ہے ۔ریاست کا فرض ہے کہ عوام کو بنیادی سہولیات فراہم کرے اور ملک میں امن و امان کو یقینی بنایا جائے مگر بدقسمتی سے عوام کو ریلیف دینے کے بجائے مزید بوجھ ڈالنے کی کوشش کی جارہی ہے ۔عوامی مسائل حل کرنے کیلئے فوری اقدامات کیے جائیں ورنہ جماعت اسلامی شدید احتجاج کرنے پر مجبور ہوگی۔
