بلاول سے سعید غنی،وقار مہدی، رضا ہارون و دیگر کی ملاقاتیں
کراچی (سٹاف رپورٹر)پاکستان پیپلزپارٹی کے چیئرمین بلاول بھٹو زرداری سے وزیراعلیٰ سندھ کے معاون خصوصی رضا ہارون نے بلاول ہاؤس میں ملاقات کی، اس موقع پر کراچی کی سیاسی صورت حال پر بات چیت ہوئی۔
پیپلزپارٹی کے چیئرمین بلاول بھٹو زرداری سے پی پی پی کراچی ڈویژن کے صدر اور سندھ حکومت میں محکمہ بلدیات کے وزیر سعید غنی نے بلاول ہاؤس میں ملاقات کی، اس موقع پر انہوں نے اپنے محکمے کی کارکردگی سے متعلق بریفنگ دی۔ بلاول بھٹو زرداری سے بلاول ہاؤس میں مسلم لیگ ن سے پی پی پی میں شمولیت اختیار کرنے والے کراچی کے رہنما رانا احسان نے ملاقات کی، اس موقع پر انہوں نے پی پی پی قیادت پر اعتماد کا اظہار کیا جبکہ چیئرمین بلاول بھٹو زرداری نے انہیں پارٹی میں شمولیت پر خوش آمدید کہا۔علاوہ ازیں پیپلزپارٹی کے چیئرمین سے پی پی پی سندھ کے جنرل سیکرٹری اور وزیراعلیٰ سندھ کی انسپکشن ٹیم کے انچارج وقار مہدی نے بلاول ہاؤس میں ملاقات کی اور پارٹی چیئرمین کو ترقیاتی منصوبوں کے معیار کو بہتر بنانے کے حوالے سے اپنی کارکردگی سے آگاہ کیا۔
