لاہور سمیت پنجاب کے مختلف شہروں سے 10 دہشت گرد گرفتار
لاہور(کرائم رپورٹر)کاؤنٹر ٹیررازم ڈیپارٹمنٹ (سی ٹی ڈی) نے 189 انٹیلی جنس بیسڈ آپریشنز میں پنجاب کے مختلف شہروں سے 10 دہشتگردوں کو گرفتار کرلیا۔
ترجمان سی ٹی ڈی کے مطابق خفیہ معلومات کی بنیاد پر کارروائیاں لاہور، بہاولپور، راولپنڈی، جہلم اور گوجرانوالہ میں کی گئیں۔ دہشتگردوں سے دھماکا خیز مواد ،ڈیٹونیٹر، 16حفاظتی فیوز، 37 فٹ تار، پمفلٹ ، نقدی اور پرائمہ کارڈ برآمد کیے گئے ، گرفتار دہشت گردوں میں 2 خطرناک دہشت گرد بادل سنگھ اور سورج سنگھ بھی شامل ہیں دونوں کا تعلق ننکانہ صاحب سے ہے جبکہ دیگر دہشتگردوں کی شناخت سراج، ہدایت اللہ، دیدار حسین، صداقت حسین ،سلیمان خان اور زید وغیرہ کے نام سے ہوئی۔گرفتار دہشتگرد مختلف مقامات پر کارروائی کرکے عوام میں خوف وہراس پھیلانا چاہتے تھے ۔ترجمان نے مزید بتایا کہ رواں ہفتے میں 2053 کومبنگ آپریشنز کے دوران263 مشتبہ افراد گرفتار کیے گئے ۔ کومبنگ آپریشنز میں 82473 افراد سے پوچھ گچھ کی گئی۔
