نہروں پر احتجاج جاری رہنا افسوسناک
لاہور(این این آئی)مسلم لیگ (ن) کے مرکزی رہنما عابد شیر علی نے کہا ہے کہ نہروں کا معاملہ صحیح فورم پر لے جانے کے متفقہ فیصلے کے بعد بھی احتجاج جاری رہنا افسوسناک ہے۔
جاری بیان میں عابد شیر علی نے کہا کہ سڑکیں بند ہونے سے یومیہ بھاری معاشی نقصان پہنچ رہا ہے ۔انہوں نے کہاکہ صرف ٹیکسٹائل کی صنعت کا خسارہ اربوں روپے میں ہے ،ہر قسم کی ترسیلات بند ہیں ،بندرگاہوں سے برآمدات رکی ہوئی ہیں اور یہ سب کچھ کسی بیرونی طاقت کا کیا دھرا نہیں بلکہ اندر سے ہی ملکی خزانے اور قوم کے مفادات کو چرکے لگائے جارہے ہیں یہ سب انتہائی افسوسناک ہے۔
روزنامہ دنیا ایپ انسٹال کریں
