ترقی کی شرح 6فیصد تک پہنچانے کا ہدف ہے :وزیر خزانہ
اسلام آباد(مانیٹرنگ ڈیسک)وزیرِ خزانہ اورنگزیب نے کہا پاکستان معاشی استحکام کی راہ پر گامزن ہے ، حکومت کا جی ڈی پی شرحِ نمو 6 فیصد تک پہنچانے کا ہدف ہے ۔
لندن میں پاکستان ایکسیس ڈے کانفرنس سے خطاب کرتے ہوئے وزیرِ خزانہ نے کہا مالی سال 2025ءکی پہلی ششماہی میں پرائمری بجٹ سر پلس 3.6 ٹریلین روپے رہا، اپریل میں مہنگائی کی شرح کم ہو کر 0.3 فیصد پر آ چکی ہے ۔ فِچ نے پاکستان کی کریڈٹ ریٹنگ ٹرپل سی پلس سے بہتر کر کے منفی بی کر دی، برآمدات 50 ارب ڈالرز، مہنگائی 6 فیصد تک لانے کا منصوبہ ہے ، 5 ارب ڈالرز کی آئی سی ٹی فری لانسنگ انڈسٹری کا قیام حکومت کا ہدف ہے ۔ ہمارا گرین ہاو¿س گیسوں کے اخراج میں 50 فیصد کمی کا عزم ہے ، حکومت کا فائیو ایز فریم ورک معیشت کی بحالی کا جامع منصوبہ ہے ، سرمایہ کاری پالیسی غیر ملکی سرمایہ کاروں کو مراعات کی ضمانت ہے ۔ ایس آئی ایف سی سرمایہ کاری میں تیزی اورسہولت کے لیے فعال کردار ادا کر رہی ہے ، پاکستان بزنس پورٹل کاروباری اجازت ناموں کو ڈیجیٹل طور پر آسان بنائے گا، 126 ممالک کے شہری 24 گھنٹوں میں ای ویزا حاصل کر سکتے ہیں،اس موقع پر مشیر نج کاری محمد علی نے پاکستان ایکسیس ڈے کانفرنس سے خطاب میں کہا کہ شفاف اور مسابقتی عمل کے ذریعے سرکاری اداروں کی نجکاری جاری ہے ، عالمی سرمایہ کاروں نے پاکستان پر اعتماد کا اظہار کیا ہے ۔
