پی ٹی آئی طاقت کھو چکی،تحریک نہیں چلاسکتی،عرفان صدیقی
لاہور(مانیٹرنگ ڈیسک)مسلم لیگ ن کے سینیٹر عرفان صدیقی نے تحریک انصاف کو شدید تنقید کا نشانہ بناتے ہوئے کہا ہے کہ پی ٹی آئی اپنی طاقت کھو چکی ہے اور اب کوئی تحریک چلانے کے قابل نہیں۔
اپنے بیان میں انکا کہنا تھا کہ بانی پی ٹی آئی سے جیل میں حکومت یا اسٹیبلشمنٹ کے کسی نمائندے کی نہ کوئی ملاقات ہوئی اور نہ ہی انہیں کوئی پیشکش کی گئی ہے ۔ عرفان صدیقی نے سوال اٹھایا کہ اگر پی ٹی آئی کے پاس سڑکوں پر لانے کیلئے عوام موجود ہیں تو ماہ رنگ بلوچ کے کندھوں کا سہارا کیوں لیا جا رہا ہے ؟ ان کا کہنا تھا کہ مایوسی کے عالم میں پی ٹی آئی کالعدم تنظیم بی ایل اے سے بھی گٹھ جوڑ کر سکتی ہے ۔ عرفان صدیقی نے کہا اب کسی قسم کا سیاسی اتحاد بنانا پی ٹی آئی کے بس کی بات نہیں رہی، پی ٹی آئی کو اپنی مشکلات کے انبار میں مزید اضافے کے سوا کچھ نہیں ملے گا ۔
روزنامہ دنیا ایپ انسٹال کریں
