روسی سفیر ، فضل الرحمن ملاقات،خطے کی صورتحال پرتبادلہ خیال
اسلام آباد (اپنے رپورٹرسے )پاکستان میں متعین روسی سفیر البرٹ خورِیو نے جے یوآئی کے سربراہ مولانا فضل سے ان کی رہائش گاہ پر ملاقات کی جس میں بین الاقوامی،خطے اور ملکی صورتحال پر تفصیلی تبادلہ خیال کیاگیااور ایران اسرائیل جنگ میں فریقین کی جانب سے ایران کی حمایت پر اطمینان اور مسئلہ فلسطین اور غزہ میں انسانی المیے پر اظہار افسوس کیا گیا ۔
مولانا فضل الرحمان نے غزہ سے اہل غزہ کی بے دخلی پر روس سے مداخلت اور کردار ادا کرنے کی اپیل کی جس پر روسی سفیر کی غزہ میں جنگ بندی اور غزہ سے اہل غزہ کی بے دخلی پر کردار ادا کرنے کی یقین دہانی کرائی گئی ۔ فضل الرحمان نے افغان حکومت کو تسلیم کرنے کی روسی حکومت کے اقدام کو قابل تحسین قرار دیا۔ روس اور جے یوآئی باہمی اتحاد سے نو آبادیاتی نظام کے خلاف جدوجہد کریں گے باہمی تعلقات کو مفادات کے تحفظ کے لئے استعمال کرنے پر اتفاق کی گیا ۔
