یوٹیلیٹی سٹورز کی بندش پر تحفظات
کراچی (مانیٹرنگ ڈیسک) سینئر وزیر سندھ شرجیل انعام میمن نے یوٹیلیٹی اسٹورز کی اچانک بندش پر شدید تحفظات کا اظہار کرتے ہوئے کہا ہے کہ یہ ادارہ 55 برس سے کم آمدنی والے افراد کو سستی بنیادی اشیا فراہم کر رہا ہے۔
1971 میں شہید ذوالفقار بھٹو نے غریب طبقے کو سبسڈی فراہم کرنے کے لیے یوٹیلیٹی اسٹورز قائم کئے تھے ، یہ اسٹورز ان علاقوں میں بھی خدمات انجام دے رہے ہیں جہاں نجی شعبے کی رسائی نہیں، ملک بھر کے 3,800 اسٹورز سے ماہانہ تقریباً دو کروڑ افراد مستفید ہوتے تھے ، ادارے کی بندش اور 12 ہزار ملازمین کی برطرفی ہزاروں خاندانوں کے روزگار پر حملہ ہے ۔
روزنامہ دنیا ایپ انسٹال کریں
