پی ٹی آئی کی پانچ اگست کو اسلام آباد میں جلسے کیلئے ڈی سی کو درخواست
اسلام آباد(مانیٹرنگ ڈیسک )تحریک انصاف نے پانچ اگست کو اسلام آباد میں جلسہ کرنے کا اعلان کردیا۔
پی ٹی آئی نے عمران خان کی کال پر اسلام آباد کے ایف 9 میں جلسہ کرنے کا اعلان کرتے ہوئے اس کی اجازت کے لئے ڈی سی اسلام آباد کو باضابطہ درخواست دے دی۔ڈی سی اسلام آباد کو دی جانے والی درخواست پر پی ٹی آئی اسلام آباد ریجن کے صدر عامر مسعود مغل اور جنرل سیکرٹری ملک عامر علی کے دستخط ہیں۔ملک عامر نے درخواست کے بعد میڈیا سے گفتگو کرتے ہوئے کہا کہ پرامن احتجاج اور جلسہ کرنا پی ٹی آئی کا آئینی وقانونی حق ہے ،پی ٹی آئی نے درخواست میں کہا ہے کہ اسلام آباد میں پانچ اگست کی شام چار سے 10 بجے کے لیے ایف نائن پارک میں جلسہ کرنے کی اجازت دی جائے ۔
روزنامہ دنیا ایپ انسٹال کریں
