پاک امریکا ٹیرف معاہدہ خوش آئند، ملکی برآمدات بڑھیں گی صدر ایف پی سی سی آئی
اسلام آباد (اے پی پی) ایف پی سی سی آئی کے صدر عاطف اکرام شیخ نے کہا ہے کہ پاکستان اور امریکا کے درمیان ٹیرف کمی کے حوالے سے تجارتی معاہدہ انتہائی خوش آئند ہے ۔
امریکا پاکستان کا سب سے بڑا تجارتی پارٹنر ہے اور اس معاہدے سے ملکی برآمدات میں مزید اضافہ ہوگا۔ ان خیالات کا اظہار انہوں نے ایک بیان میں کیا۔ عاطف اکرام شیخ نے کہا کہ ٹیرف معاہدہ دونوں ممالک کے درمیان دوطرفہ تعاون، تجارت اور سرمایہ کاری کے مضبوط تعلقات کی عکاسی کرتا ہے ۔ بزنس کمیونٹی معاہدے کے لیے وزیراعظم، فیلڈ مارشل، وزیر خارجہ اور وزیر خزانہ کے کردار کو سراہتی ہے ۔معاہدہ دونوں ملکوں کے درمیان اہم شعبوں میں اقتصادی تعاون کے نئے دور کے آغاز کا باعث ہوگا۔
روزنامہ دنیا ایپ انسٹال کریں
