40 ریلوے سٹیشنوں پر مفت وائی فائی دینگے : حنیف عباسی
اسلام آباد(آئی این پی)وفاقی وزیر ریلوے حنیف عباسی نے پنجاب میں 40ریلوے سٹیشنوں کو مفت وائی فائی سروس دینے کا اعلان کرتے ہوئے کہا ہے پنجاب کے 40 ریلوے سٹیشنوں کو مفت وائی فائی سروسز سے لیس کیا جائے گا۔۔۔
جبکہ مختلف ریلوے روٹس کو اپ گریڈ کرنے کیلئے اسی طرح کے تعاون کیلئے سندھ حکومت کے ساتھ بات چیت جاری ہے۔ نجی ٹی وی سے گفتگو کرتے ہوئے حنیف عباسی نے کہا کہ حکومت ریلویز میں گورننس کو بہتر بنانے اور جدید نظام متعارف کرانے پر بھی توجہ دے رہی ہے۔ پنجاب حکومت پاکستان ریلوے میں 350 ارب روپے کی سرمایہ کاری کرے گی تاکہ صوبے بھر میں 8 برانچ روٹس کو بہتر بنایا جا سکے ۔ ایک بار آپریشنل ہونے کے بعد ایم ایل ون سے عوام کو کافی فائدہ پہنچے گا جبکہ اسی طرح ایم ایل ٹو میں سرمایہ کاری کی تیاریاں بھی جاری ہیں۔
روزنامہ دنیا ایپ انسٹال کریں
