سافٹ ویئر اپ ڈیٹ ، گنڈاپور اچھے بچے بن گئے ،فیصل کنڈی
پشاور(آئی این پی )گورنر خیبر پختونخوا فیصل کریم کنڈی نے کہا ہے کہ پی ٹی آئی گلی کوچوں تک محدود ہو کر رہ گئی ، اب ان کی کسی تحریک میں جان نہیں ہوگی، وزیراعلیٰ گنڈا پور کا سافٹ ویئر اپ ڈیٹ ہوچکا۔
پی ٹی آئی کے احتجاج پر رد عمل دیتے ہوئے فیصل کریم کنڈی نے کہا کہ وزیر اعلیٰ اب اچھی ڈیو ٹی دے رہے ہیں، جس دن ڈیوٹی نہیں دی، فارغ ہوجائیں گے ، پی ٹی آئی خیبر پختونخوا میں جلسہ کرتی، یہاں طاقت کا مظاہرہ کرتی۔فیصل کریم کنڈی نے کہا کہ اب وزیر اعلیٰ کی جلسے جلوسوں کی حیثیت نہیں رہی ، ماضی میں ہمیں بھی جلسے جلوسوں سے روکا گیا لیکن ہم کرتے رہے ،کوئی انتشار نہیں پیدا کرتے تھے ۔گورنر کے پی نے کہا کہ بانی پی ٹی آئی عمران خان کو سزائیں عدالتوں نے دی ہیں، اپنی حکومت کے دوران یہ لوگ کالعدم تحریک طالبان پاکستان کے دہشتگردوں کو واپس لے کر آئے ۔
روزنامہ دنیا ایپ انسٹال کریں
